يا أهل جزيرة غمام.. عرفات مش شيخ.. عرفات جاهل..
أنا ماعرفش حاجة..
كل اللي أعرفه.. إن اللي يحب ربنا يحبه
وإن فلوس الجامع الفقير أولى بيها.. وإن القلب له وضوء.. زي ما فيه وضوء للإيدين والراس والرجلين..
واللي ينفع الناس هو اللي يخدمهم وتحتيهم مش اللي فوقيهم..
وإن اللي ماعايزش تدوله.. واللي عايز ويطلب بعدوه..
وإن اللي ينصح بالفقر وهو غني يبقى شيطان..
واللي شاغل نفسه بمين قعد مع مين.. ومين قال إيه.. ومين لبس إيه.. يبقى ناقص أدب
وإن ربنا رحيم....ربنا رحيم
ربنا حنان منان كبير ماعينساش حد.. هو اللي يهدي العاصي.. هو اللي يغفر للمذنبين.. وأنا أولهم
وإني ماعايزش حاجة من حد.. ماعايزش اقعد مطرح حد..هو ده كل اللي العلم اللي عندي يا مشايخ..
ماعايزش حاجة خالص
