النصب على الانترنت
ازاي تتصرف لو حد نصب عليك في فلوس عالنت
1.هتحتفظ بالرسائل بينك وبين الشخص اللى حولتله فلوس لانه ده اثبات التحويل وتطبعه على كام ورقه
2. لازم تثبت انك قمت بارسال له الفلوس
يعني لازم يكون معاك الايصال بتاع فوري او اسكرين للرساله لو انت بعت من موبايلك او رقم العملية التى تمت
3. عند الارسال على المحافظ الالكترونية لازم يكون معاك الرقم اللي بعتله الفلوس لان الرقم ده بيبقي متسجل بياناته لان مفيش محفظه الكترونيه سواء فودافون كاش او غيرها الا ورقم المرسل او المستلم مستجل باسمه وببطاقته الشخصية لدي شركات المحول مزودي الخدمة .
4. هتكلم مباحث الإنترنت عن طريق الاتصال بـ"الإدارة العامة لتكنولوجيا المعلومات" على الرقم "0224065052 -0224065051" أو الخط الساخن "108" بإدارة مكافحة جرائم الحاسبات. وتسأله عن الخطوات اللي هتعملها عشان تعمل محضر نصب الكتروني .
5 . ممكن تروح بنفسك لاقرب مديرية امن ليك وتعمل محضر ولازم يكون معاك بطاقتك ومعاك دليل كلامك والرقم اللي نصب عليك ..الموضوع طويل شويه في مشواره بس يستاهل عشان ترجع حقك وتشوف النصاب ده اهله بيتحايلوعليك عشان تتنازل وتاخد اللي انتا عايزه بعد ما يتجاب بالقانون .
6. متنساش تاخد رقم المحضر او ايصال بالمحضر وده هيفيدك عشان لو الموضوع طول شويه تحاول تبعت رقم المحضر ده للنصاب باي اكونت تاني ليك وتعرفه انك مش هتسيبه وهوا لو شاف الرساله والمحضر ممكن يخاف ويرجعلك حقك وده اللي هيحصل متكسلش علي حقك وكله يهون عشان تحرق قلب الحرامي ده زي ما حرق قلبك علي فلوسك .
الخلاصه طول ما انتا بتجري ورا حقك مش هيضيع وطبعا الوقايه احسن من ده كل انك تكون حريص في التعاملات عالنت ومتتعاملش غير بمقابله اولا ولو منفعش مقابله يبقي ادمن وسيط معروف جدا مش اي حد وتسأل عليه مره واتنين وتلاته وتفهم بيتعامل ازاي وتخليك صاحي كده محدش احسن منك عشان ينصب عليك وربنا يبعد عننا ولاد الحرام
7- ونصيحة اخيرة يحظر التعامل بالعملات الرقمية داخل مصر لانها ممنوعة حتى لا تتحول من مجني عليه الى متهم .
